Atzerriko neskatilla
Schiller, Friedrich von
Aran baten, artzain-artean,
Agertzen zan urte-berriz,
Lehengo larratxoriekin,
Neska bat, ederra guztiz.
Ez zan aran hartan jaioa,
Iņork ez zekin nongo zen,
Galtzen ziran haren oiņatzak,
Neskak aldegin ondoren.
Haren ondoan pozez zegon
Biotz oro irigia;
Andraurenak urrundu arren
Lasaitasun larregia.
Ba zekarzkin lore eta frutu
Beste lur batek emanak,
Beste eguzki batek ondurik,
Izadi obe batenak.
Bakoitzi zerbait zemakion,
Nori frutu, nori lore;
Doaiturik zijoan etxera,
Naiz mutiko, naiz agure.
Arrotz denak ongi-etorri
Zitun; baiņan maitariei
Zemakien emai onena:
Lili ederrenak haiei.
