Orixe'ri
Erkiaga, Eusebio
Barnean dugun ilun, argiez egarri;
norabaittera nahi ta ezin igarri.
Gaztezaro kolokan nor biderakusle?
Zein joeraz ekingo? Zein ote ibilbide?
Alper nagia utzitta jitta bat berezi,
zaletasun guzien gainez, bat nagusi.
Zaletasun errotsu, leraz maittatua;
egun eta eguzki maittetzat artua.
Maitte horrek bihurtzen dizu maitte-zorra,
loriazko ereiņotz-uztai distikorra.
Gure Euskera-k aspaldi bere kuttun zaittu,
Euskalerriak zugaz zor aundiak dittu.
Erriak eskerbage ohi diran arren
gure endaren oiharra bildu da gaur hemen.
Lehengo ta oraiko euskal-maittaleak
zuretzat dittute eiki esker on aleak.
Esker oneko uztai zure bururako,
letretan zure izena duzu betirako...!
