Sanjuanetako txistularien deia
Arozamena, M.J.
Amatxo, etorriko dira
urtero bezela
txistulariak etxera
beltzez jantzita
txapela buruan dutela.
Illaren ogei ta lauean
aitaren egun berean
txistulariak jo ta jo
eguardi inguruan.
Itxasoan zapi zuri
erri aldera begiz-begi
bein gora ta bein bera
ez da berdin ageri.
Mendi bidean gora
txistuak algara
pago sendoaren izerdi
itxas gaņean aparra.
Amatxo, etorriko dira noski?
Oraintxe dute garaia.
Gure etxera zuten bidea
aita erri-gizon zaneko urtean
txamarra luze, burua tente
Alkate soņuaz batera
Korputz eguneko eleizkizunean,
Bere aldekoentzat
gizon argi ta bikaņa.
Ala gerta oi da geienean
zerbaiten bear geranean.
Ara emen txistulariak
tra la ra la ra la ra
naiz ari indarka
indartsuago tuntun zarata.
Banijoa laisterka
eskalletan bera
oparia eskeņiaz
biotz oneko eskarra.
Jo ta jo iru gizonak
zein baņo zein geiena
"Eskarrikasko mutiko
aitari zorionak".
Geldiro geldiro dijoaz
irurak batera
etxe aurreko itzalpetik
zumardian barrena.
Ez dakik zer nuen Ama
zuk ere ez gutxi gora bera
txistua jotzen zutenak
alde egin ta bereala.
"Eskarrikasko" aitari
orixe esan dirate
"Eskarrikasko ta zorionak"
Jan nai ta ezin jan
biotza bai nuen gaņezka;
belarri ertzean,
txistuaren otsa...
Amatxo, orain ere ari dira
bat edo batentzat...
Zeņentzat ote da?
Pradera apaiz jaunarentzat?
Gure etxeko aurria
Donostiko zumardia
illaren ogeitalaua
Sanjuan egun alaia...
