Lizarra
Etxeberria, Prantzisko
Nere atariko lizar eder,
Zutzaz itz neurketan asi nai det.
Txoragarri ez ba'ziņa
Zerk legike zuk egiņa?
Ni baņo zerbait zarrago zera;
Elkarri-so, sarri egon gera.
Nik zugandik ikasiya
Iņolaz ez da ttikiya.
Sarigarri zu. Zer emango nik?
Gutxitan det izan ezer onik.
Nere ezagunak, agiyan,
Ba-dute zuretzako lan.
***
Pozik yai aundiz eusko-segari:
Txapeldun dezu, eskuan sari.
Esku-lekua egingo,
Ark zu ospez yasotzeko.
Eztayetan gurdiya txit arro:
Bizitzekoz betea oparo.
Zugandik gurdi-sayetsa
Iņork atera al ba'leza!!!
Yauntxo artean maya txit txuri:
Yanari goxoz ain dago guri!!
Zuri kendutako zurez
Zergatik mai bat egin ez?
Amak an aurtxoa magalean:
Lo ar-erazten egiņalean...
Zutzaz seaska egiņen
Aurra ipintzeko laisterren.
***
Ayek orrela. Ez naiz ni bete.
Nik ainbatean nork zaitu maite?
Neguan, begi beltx, lerden
Nai zaitut, beti eta aurten.
Zuganuntz, udaberriz, karnaba,
Kabiya zuzentzen. Ba-du yana...
Arek abes. Ni itzalean
Lo-kuluxka ederrean.
Mutiko etxera ikastetxetik:
Zuk Adarrak izerdiz beterik.
Txilibitu egingo du,
Etxe inguruak alaitu.
Yon Ukuzlea gaur da yayoko:
Zure adarrez ate eta leyo
Nork ez ditu apainduko,
Deun aundiya ospatzeko?
Udarako igande arratsaldez,
Aitonak aurtxo asko ipui galdez:
Zure azpin ark yalkiko,
Eder-gura ayei sartuko...
Laister negua. Ardi yanari,
Artzayak, lizar-kimuz, ugari...
Adarrak makil dauzkazu:
Etsaya yoko al dezu?
Len bai ayen aurka gure aitak
Ikus ditugu. Lizar makillak
Izkillu; eta, bulartsu
Azkatasun eskuratu.
Olerkari eta neurtitzlari,
Zugana zeuden biziro adi.
Goien izar... ibaitxoan
Zure itzal zuten gogoan.
Neronek ere, lenen Yinkoa:
Bigarren dizut zure oroitza.
Piztu didazu sarritan,
Su berexia muinetan.
Eusko olerkarien baratzatxo,
Oraindik be aukeran landertxo...
Zuspertzalle zinduzkegu,
Bat egiten ba'genkigu.
Nere altxorra erakutsi det:
Agiriyan dago apain eder.
Zarren gogoa berritu:
Berorrek nauka gogotsu.
