Ain urruti ta ain urbil
Etxaniz, Nemesio
Ain urruti, ta ain urbil!
Au izan den gure gurpil.
Ogei urte dizkiņagu
alkarren albo lanean.
Nik, ire gose biotzean:
ik, nere egarri ixillean.
Begiratu níņan bildurrez beingoan:
ik, bestera begiratu unan.
Begiratu idanan beste bein bildurrez:
nik, jetxi nizkiņan begiak samiņez.
Ain urruti, ta ain urbil!
Ogei urte onen ixil!
Asperen bat nik. Ik: gaxo al-ago?
-Burua astun diņat. Ez diņat geiago.
Itz-egin nai unan: baņa sorgin batek
alda ziņan ire itza. Aidean laņoak zeudek.
Ain urruti, ta ain urbil!
Orrek din gure biotza il!
