Larran
Erkiaga, Eusebio
Ni ere nekazari
izana nozue,
eta aititaren bordan
laba-arto gozue
yana nago sarritan,
aste labasue
zortzian bein oi gendun
Ąumion zerue!...
Aldiz-aldi egoten
nintzan baserrian
ana-arrebak utzirik
kaieko errian,
amaren itzalpean
-ni uzkar-ume izan-
saia zeru-goira lez
basoratzen nintzan.
Bizargabe aroko
bizi atsegiņa!
ordun ez nekian zer
leitekean miņa;
ene barne-landarak
ez lei ez gorriņa,
garden ta izurrik barik
biotzaren girņa.
Mutikoa izan arren
beiak nik menpean,
akulua sorbaldan
gizonen antzean,
abereak aurretik
erreka bidean,
an ura edan aurrez
gozaro larrean.
Beiak otzanak ziran
bai, bat ez besteak,
onek begiak bizkor,
apatxak gazteak;
bakartia, zoranga,
baltzbaltzak uleak,
ark naiago auzoko
larra eta aleak.
Zerbait alde- egitean
yuten nintzakion,
ta akuluagaz zizta
ezer ba'lerion,
errekaldetik goirantz
lenengo nik igon
andik sokil bat yaurtiz
izualdi emon.
Ori ikusiz, lasterka
bigantxa izubera,
larrari agur einda
etxeko bidera,
nik zidor laburra artu
eta urten aurrera,
ta barriro bigaia
bare, ene esanera.
Bei-bigantxa aek biak
"Baltxa" eta "Arrio"
izengoitiz nituen:
"Zoro" "Zorabio";
aura erosia zan,
au, etxean yaio;
senide zirudien
biek, orraitio.
Urrun, tontor-aldean
erriko eliza,
eguberdian ozen
Andra Mari'n itza,
arratsberan, ostera,
gabaren geriza,
oiek nik orduzari
yatorraren gisa.
Larran edoski neban
nik aizutasuna,
txoriaren egada
yareia, laguna;
aien kanta alaietan
musta askatasuna,
geroz, gorroto il-arte
kataien astuna.
Eder, larran, bei-txalak
eguzki gozotan,
areago gizonak
yarei lau aizelan;
uritzarko bizitza
neketsu onetan
kai eta zelaietaz
beti amesetan.
Ni ere laborari
izana nozue,
gaur ere ozka-min dot
labarto gozue...
|