Izaki abestia
Lekuona, Juan Mari
Ona, arrats gorri, udazken eriotz,
Sutan dijoakit, -ala nere biotz-
Sutan dirdirakor laņo erraietan,
Argi-urre naspil nere begietan...
Izaki maitea, Jainko naiak nakar.
Otoitz egarri au zuk berdindu bear!
Otoitz xurru-murru, barne zimikoa
Ausnartu nairikan mendira nijoa.
Ler zorian nago egi-min maite-min...
Utsaren leloa: besarka nai t'ezin!
.................................
Zelaiburun eder zozoak txiruli.
Bere azken agur Jainkoari dagi.
Baserri ke urdiņ, mendi itzal luze
Illunabar mami: argi, oler, aize.
Dena zoragarri... Zantzuren bat datza:
Susmo biziz dakust Jaunaren'kerantza.
Oro biur nadin izaki maitale
Gerosle leiatsu, Asis'ko eskale!
Zantzu oien gose nere zentzu legor
Izate eder muņak aztar naiez dator.
Muņ au izakian ereņirik dago
Zantzu bat dagernez ainbat sakonago.
Sakon kabitxoan maite zantzu kutun,
Sakon iturri garbian apaltasun.
Pagoak dager liraintasun ezea,
Gauak ezereza illundiz betea.
Gauz denak dagite Jabearen berri
Loreak, aizeak, oiu zoragarri.
Eder ezak Jauna, izar dirdir goiztar,
Iturritxoaren mintzo zerutiar...
Izaki maitea: mintza atergabe,
Goretsi Jainkoa zeru-lurren Jabe.
Jainkoa'gan murgil, eder zorabio
Nere barneari atseden dagio...
Illuntzen eguna, dena itzal aldi.
Baņan biotza nik maitez t'egiz gaindi.
Ametsen bat ote izaki margoa?
Margoa baleike; ez nere leloa.
Maite-miņ egi-miņ egunak igesi,
Gauak -itsu nabil- eder miņa azi...
Utsa naizela ta, ontan bear etsi:
Izaki abestiz Jainkoa goretsi!
