Amonaren errosarioa
Alustitza, Julian
Amonatxo bat banun
(Jaungoiko altsua!)
Aren irriparrea!,
aren errezoa!
Zerutio ote zun jasoa?...
Goiz-erdira artu du
patata-saskia.
Amonak gerta bear
gure bazkaria...
Alere ez dizu utziko
bere eskaria,
ez-ta arpegiko argia...
Mai-gaņean aurrena
txotx-pillo bat bildu.
(Larogeitik gora izan
ta oroimena galdu!)
Bere errezoetan
txotxen laguntza bear du.
Sutondoan lapikok
irakin diraki...
Patatak sartu ditu
poliki-poliki...,
Axalak mantalera,
ta eragin txotxari...,
ta "Agur-Mari", ta "Agur-Mari"...
Etxaguko iturrik
etorri goxoa...
Amonak ari dizu
errosarioa...
Aren irriparrea!,
aren errezoa!
Zerutio ote zun jasoa?!
|