Igarondo
Arrese, Emeterio
Zumardiaundi, garai batean
zure kerizpe-laztana
artuaz emen egon oi nintzan
ordu goxoei emana.
Len bezelaxe zeundelakoan
etorri naiz gaur zugana,
ta, zer ikuspen begitara zait...?
Ustega-beko antzalda!
Beste zuaitzak zure tokiyan,
zumar-itzalik ez emen,
iparrak bere soņu biguna
ez dakit nun jo lezaken,
zuaitz berritan iņoiz ezpaitu
eresgai onik arkitzen.
Zu ziņan tenaz lillura-toki
berezietan ederren.
Erreka polit marmariņe bat
zijoakizun urbizi,
ur jator, arraiz aberatsa ta
ziaro garbiya beti.
Ikuskai onik ez dezu orain,
ez kerizpe t'ez ur garbi...
Leno ziņana gogamenean
erabil zaitut, Zumardi.
Banun andregai zoragarri bat,
biyok maiz onerabide,
iņun ez emen ainbat atsegin
t'amets ain ederrik ere.
Garai artako zumardian nik
zenbat egonaldi maite...!
Bai bizitz eder urte yoanak
itzuli albalitezke!
