|
Txanpaņek eragin
Arrese, Emeterio
Apari batean
Zartzaroz umetuen
bular bixigarri,
ardorik bikaņen au
edatez alai ni.
Kezka-xomorro mintsu
beltxik etzait ari;
beltx erien ordez gaur
berreun ipurtargi,
oztiņeder-begi,
ameskai ugari...
Au bai dala pozaren
goreneko zori!
Egarbera
Iņoiz ere ez det edan
onenbeste txanpain,
oso bustiya nago
ezur, mami ta zain.
Alaz ere pitin bat
bederik lengoz gain
zuen guzion opaz
edango det orain.
Txol eder ontan ha nik
biotz, begi t'ezpain.
Bor-bor
Zirikatzalle onak
zeraten ezkero
neurtitzez beste zerbait
esanairik nago.
Nai arren ezin baņa;
izan ere ardo
geyegi edan eta
nere kankar bero,
nere buru-eltze au
irakiten dago.
Bertso-bide zallean
zuzen xamar edo
oker aundirik gabe
jardun banaiz leno,
bidegalduta orain
ez dakit nora jo,
itsumustuka nabil,
t'azkenean... poto.
Berriz?
Len poto bat egin det,
orain zer..., kaikuba?
Aundi bat laister nere
ganbaran sortuba
eskeņiko dizuet
ederki landuba;
gai onez egiņa ta
begiz apainduba
kaikurik aundiyena
neronen buruba.
|
