Neskatx-billera batean

Arrese, Emeterio

 Mendi-mendiko urjaiotz edo

 iturri bizi gardena

 bezin garbiya zuen irripar

 eta zuen mintzoera.

 Zeruko lili, aingeru bitxi,

 zuek emengo billera

 argiz betetzen dezute, baiki,

 ta usai txit emez gañera.

 Egi au bide danez nik orain

 azken itz oiek, onela:

 Gutxienaz eun urterañoko

 luzapengai dun bizmena

 zorionaren euzkiz yantzia

 Yainkoak demaizutela!