inprimatu
Zaldibar'ko miraria
Izenburua:
Zaldibar'ko miraria
Sinadura:
Salbatore Mitxelena
Urkizaren iruzkina:
Egilea(k):
Mitxelena, Salbatore

Argitalpena:
Egan.
Urtea:
1948
Argitalpenaren urtea:
Alea:
3
Orrialdea:
14-15

 

 

 

 

faksimilea ikusteko


faksimilea ikusteko


Mariñel-erria

 

Mitxelena, Salbatore

 

 «Boga, mariñela,

 boga urrutira...

 Bai Indietara,

 bai Indietara».

 Eskuetan arpoya

 ta, soñean zira,

 itxasoz jo dezagun

 jo Ames-errira,

 lur berririk agiri

 ote-dan begira...

 

 Ai urruti-miña!

 gaitz senda-eziña;

 bañan ala ere

 ondo atsegiña!

 Min izkutu orretxek

 beti eragiña,

 euskal-Kondaira doa

 itxasoz aitziña.

 Egonak pozik ez du.

 Boga alegiña!

 

 Mariñel-erria

 da Euskalerria;

 ta itxasoa, euskal-

 -miñen ataria...

 Legazpi ta Urdanetak

 beren Goyerria;

 Okendo ta Elkanok,

 aldiz, Beterria;

 itxasoz daramate

 euskal-Edestia...

 

 Entzun, mariñela,

 entzun itxasotik

 datorkizun deya,

 lilluraz beterik:

 -«Atozkit... Zure leyak

 ez dute naikorik

 nere ur zabaletan

 bogatzean baizik.

 Euskal urruti-miñak

 aseko ditut nik!».

 

 Zori obearen

 atzetikan guazen,

 biotzak nun dezan,

 nun dezan atseden...

 Lur ezaguna atzean

 utzi ezkutatzen;

 ugarte berriren bat

 nunbait agerturen...

 «Lurra! Lurra!» azaltzean

 zer dan poz jakiñen.

 

 «Zorion! Zorion!»

 nai ba'dezu topo,

 abia itxasora;

 ibillian dago.

 «Lurra! Lurra!» azaltzean

 ez da an gelditzeko;

 bat ezagun orduko

 bestera abitzeko.

 

 Lur guziak baño re

 gaitz senda-eziña;

 bañan alaere

 ondo atsegiña!...

 Min izkutu orretxek

 beti eragiña,

 Euskal-Kondaira doa

 aitziña ta aitziña.

 Egonak pozik ez du.

 Boga alegiña!

 


inprimatu