Eztai-kanta (Bukolika)
Mitxelena, Salbatore
«Bego goldea egonean
kate ta uztarri-zayean...
Soroan baño girogo dizu
itzai gazteak mayean».
«Erretenean barrena
zijoak ura ariñena...
Ur onez, pozez bete dezagun
bizitzaren erretena».
«Gaur arteko neke-lanak
ta etorriko diranak
uxa ditzala ezkonberrien
eztaitako jan-edanak».
«Bijoa, leyoz landara
kantarien deyadara:
Bizi artean luza dedilla
gaurko zorion-algara!».
«Gaur beintzat poztu gaitezen,
artu dezagun atseden!
Errekak ez dik gezaldu bear
itxasoratu baño len».
«Zorionaren deyera
jo zagun ibayan-bera,
atsegiñaren txalupa argian,
eldu-arte itxas-ertzera»
Esaten zegok artean
goldea, uztarri-zayean:
-«Bearko nauk bai, bearko nauk bai,
itzai, egunen batean!».
|