Bizitzaren poztasunean

Muniategi-tar Sabin

                 1

 Bizitzaren poztasunean

 eguzkiak dira bikoizten

 bide bazter egaletako

 basa loratxu soillenetan.

 Mundutza bat dizdirapean

 apalki —aundia txikian—

 ezkutapenez beteriko

 erakunde ederrenean.

                 2

 Zenbat jakintza gure izadian

 jaiotza emoteko orri bati,

 edozein ardura bakoren

 aundi-maundizko arinkeriz,

 ostikopean, itsukiro,

 zakarki zapaltzeko gero,

 lurrean basatuak, narrez,

 iñortxo ez garalarik oartzen

 aren izate arrigarriz,

 eta egitura ederrez!