|
Errugabeko zigortua
A. Beloki
Egunkari! Egunkari!
oiartzun mutua dekan arren,
ire lerroen edukiak
egin zidak
ots,
sentimen gelan
zarata mindua
sor...
Goreti ikastetxean zer... ¿
Denaren eta leikenaren
sugai bakarra,
jaiotzak mugatu,
historiak kolpatu,
justiziak
ala ola jarri zaituen
aurra,
kanta au dizut
zuri zor.
Zure ama il zen
bizitzaren
goizean,
agian... minez,
isil isilik,
lotsaren aterpean,
beste ama galdu ustuak
arro!
aur galtzean,
bizitzak urrats bat
irabazi eban
zu erditzean.
Sabelkide zindularik
zeunden jauregitik urbil,
guda bat egoan,
il biziko
guda,
amak, aurrez galduriko
guda.
Eriotz mozorroa
aozabal,
pozoia il kanpai eske
ama-ren odolean
SIDA.
Zu ortxe...
ezbear askoren
seme
ta amatasunaren
oore.
Noizbait jakingo duzu
gertatze auen zera...
aldiz gizonak sinetsi duen
bizia dela
plazerra.
Amaigabeko amodiotan ler
maitemindu?
Berdin da
emea... arra...
arauak autsiz
abiatu zen
baina... orra,
usturik aurkitu da
usturik zen ura,
naia, ustea ta ezinaren
gizontxoa
or doa
drogapera.
Eskubidez geiegi
mintzo da,
bete-bear itza
zabortegira bota
eta
idatziz doa
aurrerapen delakoaren
poema
lizundua.
Baina entzun!
Agian...
zure ama zen
poema orren barnean
ain lizundua ez zen aldiko
izkia,
guztien gaindi
opa izan zizun
berak galtzear zuena
bizia.
Bizia,
diotenez,
kutxatua omen...
diotenez,
Sidaren erole...
diotenez,
gizartearen arrisku zara...
diotenaren diotenik
ulertzen ez duzun
aurra,
nere salaketa
artu onez.
Mila kutsaduraz
izadia pozoitzen ari den
gizona
izan nai du zurekin
juez.
Kideko lagunak ken
jolas enparantza esitu
ezitzeko aukerarik
ez,
Israel,
ez dut zu baitan
gorroto azirik landatu
nai.
Amets egin dut...
aunditua,
norbaitek irakatsia
zerala
SIDA sendatzeko
gai,
eta geiago,
esku bat luzatu diozula
beste kutxaduraz
usteltzen doan
gizonai.
Ametsa gaur
biar
baleike egi.
Barkatu... zuk ez etsi.
Ekin
eta jarrai.
|
