Euskera amari, biotz-biotzez

J.E.

 Ezagutu zintudan txikitatik

 a, ia, ama-izun bezela...

 Tamalez, erago nintzan orrela

 xotildua izan arte, gazterik.

         Kausitu zindudan une artatik,

 zure ondoan poz-pozik naizela

 ondo dakizu; jarrai gaitezela

 olan, il arte, gartsuki nai dut nik.

         Ezti baitzera, ama, arrigarri, z

 arra ta gazte, xamur ta garratza,

         makal da sendo, iaio, zoragarri,

 gogorra ta bigun, legun da latza,

         alai, ugari, pitxi, agurgarri,

 eder ta txukun, apain, aberatsa!