|
Onaindia'tar Alberto
Faulin
Argia gura neuke,
gizona ikusteko,
zu zaran bezela;
ez dot nai bardintzerik
iņungo gizonekin
zarana zarela.
Argietarantz adi,
lurrean sustraiturik
zugatz ederrena;
euskal aritz zara, zu,
giartsu eta lerden,
tantai oberena.
Euskaldun baratzean
millaka lili dagoz
arrosari adi;
Markiņako zelaian
lorerik bikaiņenak
gizona dirudi.
Malaxko arkaitzpean
arria eta ura
dizdizetan dagoz;
gizonen egarria
egiaren uragaz
ase nairik zagoz.
Egille Almentsua
errukitsua izan zan
beren itz argiagaz;
miņean jarri eutsun
zurtasunaren doia
erreztasunagaz.
Zenbat biotz negarti
ainbeste gizonetan
zendukezan adi;
zuk izan bear zendun
zuzentasun abotsa,
euskaldun leiņargi.
Kristo ikusi nai dot
zugan ta pobrietan
negarrak txukatzen;
esker-miņetan dozuz
zure itz entzuleak
Olaso goratzen.
Paris'ko urretxindor...
Milloi gizonen izar...
Zapalduen poza...
Egin zendun on dana
koroi bat bezela da...
egiaren otsa.
Ona eta egia
gizonaren itzetan
bat biurtzen dira;
au da pozaren garra...
bizia urraturik,
gizonei begira.
|
