Negu otza

A. Bidaguren

 Agor itxaro-sorgia,

 arratsaldeak arretzen

 asten diren bakoitzean

 eta ain urri ikustean

 neure soloko garitzen

 biar-etziko ogia.

 Eki erreak daroa

 kixkalduz nire alorra,

 nire biarko ogiak

 samin-erroten arriak

 urunduko parra-parra.

 Uts edo dot azaroa.

 Nire mandioen utsa!

 Arrak janda frutu oro.

 Egun barrien zuzirik,

 ez itxaro zuri barik

 zelan daiket ba igaro

 jarrai dodan negu otza?