Ikust-irrati orratza
Uxola
Lurrean zutik makalaren antzo
ortze urdiņari begira beti
aize, euri-eguzkitara zutik
noiz arrapa ots-ikuskizun zantzo.
Gizaki ezurkia dirudizu
ezur ordez altzairu ta burniaz,
burni-ariz beatz luze ta meaz
ar nairik ots-ikuskizun berritzu.
Belaun aulek eutsiko al zaitue
zure beatz txepel oiek artu-ala
ikuskin-kutxa biziz bete arte,
zai bai-dago Euzkadi gure Ama
euskal berriaz betetzea ortxe
ase dedin betiko gure naia.
