Beldurgarrikeria

Uxola

 Beldurgarrikeriaren zitala!

 Gorrotoan sor, beazunez blaitu,

 gaberdiko txipiroi-saltsan belztu

 ta dagizuna eriotz itzala.

 Pistola iltzaillea dezu indar,

 lerkin itxu ondatzaille beldur-gai

 zaudela une egoki baten zai

 arakin baten itxura dezu ar.

 Eraille: gelditu zure eskua

 ez zera jabe besteen bizitzaz

 ez bai-dakigu noren da errua.

 Ez ar iñoiz abereen lekua,

 mintzatu betiro arrazoi itzaz,

 Jaungoikoa'k eman zigun zentzuaz.