Artu titia

A. Zubikarai

 Zain nago

 ta eztakit etorriko dan.

 Itxas aparrak

 baltz-baltz datoz aizean burrunbadetan.

                     Artu titia, maitetxo,

                     laster datorke aitatxo.

 Zain nago

 bildurrez, etorriko dan.

 Itxas andiak

 ots larria dakarre gose orrutan.

                     Artu titia, maitetxo,

                     laster datorke aitatxo.

 Zain nago...

 negarra datorkit oparo.

 Bare geiagoz

 itto egin zan, oraintsu, aitona gaixo.

                     Artu titia maitetxo,

                     geiago artu, kutuntxo.

                     Artu, ten bigun...

                     ten, ten kutun,

                     zu be,

                     zu be,

                     egunen baten

                     itxasoak iruntsi zaitzan.