Piztu zan soņua
Pedro de Anasagasti
Atxukarro Jokin,
piano jotze-lari.
Zer daukazu zure atzamar luzeetan?
Zelako indarrez ikusi ta beroa?
Zelako aingeru bizia ta bizkorra
zeure biotzaren urrezko uleetan?
Il da zegon piano beltz ta itzela,
naigabez jantzia, itxita begiak,
egurrezko gogorrez begi-niniak,
biozkadak ezin, arpegi motela.
Baņa zuk, zuk eguzki jantziko beatzak
jarri zenduzan pianoren aoan.
A iturriak! Kantu, soņu, ritmoa,
poz, negar, maitasun, parre, negar otsak!
Ezereztik laister berez sortu ziran
biotz gaņera etorriz, biotz barrura.
Zer daukazu zure atzamar luzeetan?
Eguzkiren argi, poz, indar ta sua.