Zaartzaroa
J. Urkiza
Zaarren aldia makulu barik
izan ez arren poz aundirik,
bai da bakezko egun gozoa.
Esaidazu zein argiagoa:
eguzkiaren berotasuna
ala illargiaren epeltasuna.
Asmoak asmo, oiuka beti;
oneik daustie argi irakatsi
argi-ostrontzik ez dagoala
gaurko unearen illun artean,
ezta eguzki osoz betean,
bai aldiz biarko egun leunean,
eguzki bako gentza narean.
Auxe da zaarren argi betea:
bake zabalaren muiņa gozatuz,
biarko argi barne sentituz,
Jaunari samur oiukatzea.
