Bultzia

Muniategi-tar Sabin

 Zama aztuna edo ariña

 beti da bat aren ibilia,

 beti, ioan-etorri bardiña;

 geltokiz geltokizko geldiune

 neurtua, barriro itzulia,

 tran-trakatanezko biboliña

 ta, betiko loaldi, utsune.

 Burdin otzen edo beroen gain,

 arzulo berberatik igaro,

 ipar-aldetik ego-aldera

 ta, egoatik gero, iparrera,

 beti lez, —ez azkar ez astiro—

 ordu-lotura berdiñen azpin,

 egualdi otza izan naiz bero.

 Txistu otsean ta beti deika

 batetik bestera, osteraka,

 ibarretatik, mendipetatik

 beti lez, bagoiak arrastaka,

 ordukari begiradapean

 ta, orrelaxe begiraturik...

 Gizonaren irudi berbera!