inprimatu
Olearen zozoa
Izenburua:
Olearen zozoa
Sinadura:
Jose Mari Azpiri
Urkizaren iruzkina:
Egilea(k):
Azpiri, Jose Mari

Argitalpena:
Olerti.
Urtea:
1984
Argitalpenaren urtea:
Alea:
1983
Orrialdea:
274-275

Olearen zozoa

 

Jose Mari Azpiri

 

               I

 Goiz Argi artu nuan

 Jai arratsaldean,

 Eta ipiņirikan

 Maiaren gaiņean,

 Irakurten poz-pozik

 Asi nintzanean,

 Emen ikusi ditut

 Umore onean,

 Bi txorizale elkar

 Zirika naiean.

 

               II

 Irakurri det zuen

 Ekite osoa;

 Txorizaleentzako

 Albiste gozoa.

 Ez dakit nolakoa

 Dan zure zozoa;

 Baņo baldin ba-zera

 Benetan maixoa,

 Albaiteruengana

 Eraman gaixoa.

 

               III

 Emengo txorizale

 Guztiok batera,

 Gauza garbirik nola

 Ez degun atera,

 Begira jarririkan

 Ondarru maitera,

 Apalik natorkizu

 Zerbait esatera,

 Ta, neure eritzia

 Argi ematera.

 

               IV

 Zozoa izaten da

 Gauza onen zalia,

 Lurpeko zomorro ta

 Txitxarre jalia.

 Udaran zureari

 Eman igalia;

 Udazken beranduan

 Untzaren alia,

 Neguan berotzeko

 Beti mandeulia.

 

               V

 Nun-nai agertu arren

 Zuk maixotasuna,

 Entzun Serapiori

 Esaten dizuna.

 Ez da zozo emia

 Kaiolan dezuna!

 Ta, arra baldin ba-da

 Gaiņera lizuna,

 Nola izan zintezke

 Asko dakizuna?

 

               VI

 Zozo ori dalako

 Benetako arra,

 Kabian jarri zitzun

 Arrautza bakarra.

 Emia izateko

 Itxura kaxkarra!

 Ollarrak ere berdin

 Gaztea naiz zarra,

 Urtero izaten du

 Ori egin bearra.

 

               VII

 Txori beltz ori ez da

 Bide onekoa,

 Lana egiten zabiltz

 Alperrikakoa.

 Zure zozoa ba-da

 Bi arrautzakoa,

 Lenbait-len moztuiozu

 Anka artekoa,

 Orrela irabazita

 Daukazu jokoa.

 

               VIII

 Gogoratu ondoren

 Esaten zenduna,

 Ara beste gauza bat

 Kezkatzen ninduna;

 Moko berdixka eta

 Papar nabarduna!

 Ez ba-da Gaztelako

 Zozo tantaduna,

 Ia atera zaitzun

 Eme potroduna?

 

               IX

 Txorizale artean

 Dabilgun jarduna,

 Denak ezagutu nai

 Olea kutuna;

 Txori arrak elkartzen

 Ipini zituna.

 Pardillo Real'akin

 Arritzen gaituna.

 Orain arteko markak

 Borrako dituna.

 

               X

 Zozo ta birigarro

 Biok elkarrekin,

 Ez dezu burrukomiņ

 Makala oiekin.

 Jostatzea pentsatu

 Ba-dute zurekin,

 Auxe egingo nuke

 Txori oietxekin;

 Xaltxa goixoan jarri

 Patata batekin.

 

 


inprimatu