inprimatu
Nire izate berberean bezela
Izenburua:
Nire izate berberean bezela
Sinadura:
Dora Echeverria
Urkizaren iruzkina:
(Eusk.: Sabin Muniategi)
Egilea(k):
Muniategi, Sabin

Echeverria, Dora

Argitalpena:
Olerti.
Urtea:
1984
Argitalpenaren urtea:
Alea:
1983
Orrialdea:
236-237

Nire izate berberean bezela

 

Muniategi'tar Sabin

 

                                                 Dora Etxeberri de Castellanos

                           kolonbiatar olerkarime iaioarena da olerki eder au,

                         bere, «Eterna Huella» idaztiñotik artu ta euskeratua.

 

 Nire ezurren txirula

 igarotzen duen abotsean;

 ta, nire bekokian itxasoa

 bezela asiz datorren argian;

 aldiaren ertzeko

 uraren bitsean;

 aizeak deitzen digun

 irrintzi luzean;

 gauak zabaltzen duan

 izar-izara

 ta, aienzuri nabarmenezko

 adar-pilla aundian;

 muñoetatik ietsitako

 ur-dario gardenean;

 ildako idolu kutunen

 urregorri dizditsuan;

 musuz desorritzen diran

 gardeni gorrietan!

 adarki ezeetako

 sugar lotietan;

 nirezko nirean bezela

 taupaka dago

 nire odola.

 

         Euriak mamitzen ditun

 izotz-kandelatan;

 illerrietatik abestutzen

 duen larretxorian;

 umaotutako kañaberan,

 gogaitezko maatsean

 ta, bere aterpera

 iritzi ez zan enara ortan;

 —oldozmen barrenean

 atxiki ezin dan oro ta,

 zirkinge ta, ikusge,

 astintzen gaituenetan—

 muinean, kimuan,

 ernamin, kabi, egadan,

 bularreko xurrutak

 alikatzen ditun ardoan;

 emen, or, aruntzago,

 bestearen ta arenean,

 bizitzazko lurbira,

 izadiaren orotasunean,

 nirezko nirean bezela

 taupaka dago nire odola.

 

 


inprimatu