Ama semeak

A. Zubikarai

 Egun geiena leioan,

 eta gabean oiean,

 negar malkoka ama maitea

 aita noiz etorko kezketan.

 Ez egin, ama, negarrik,

 ba dator aita bizirik.

 Arrain gaiztoak ez dabe naiko

 umeak ditun aiten biotzik.

 Zuk ez dakizu, semetxo,

 itxasoetako barririk.

 Itxas onduan kurutzak dagoz

 alargun askon kezka bagarik.

 Jakin ba dakit, amatxo,

 itxas gizonen barri nik,

 negu baltzetan sentitzen ei da

 itxaso ori gizon nairik.

 Uda galdatan leioan,

 negu otzetan barruan,

 ama maiteak ezin uxatu

 bere kezkarik aitan arduran.