Udaberri-kantu bi
Martin Ugarte
1 — IZARDI-BERRIZTE
Pazkoaldi xotillean,
atzimurka ixillean.
Aldaaroan sena txikerra,
izaki bizien muiņean.
Saats-ondo biur korapildua,
lore-motots orixkak lertu berri.
Azpi-abarretan orri-niniak zartaz,
izerdi-berrizte adierazgarri.
Zerk, geldi eziņaren dirdira gilia?
Billuztasun lotsaz, orri berrixkoak...?
Ala, lurpeeko zaiņal mirestuaz doan
ur txaltarian ikutze ezkoak...?
Ego-punttuaren xaplaka ariņak,
agian, zillean lertu gesal urbildua,
ta mintz biren tarte itxuan iralgi,
aztalez-aztal, lika-jario neurtua.
Bat-bateko loretze... Muskil-ernetze aldia.
Onekin leloen-lelo, kuku etorrera.
Geroxego, aroaren kurpillean;
negu-leen zaputzaldi itzulera...
Lore erroak ezegindu.
Orri muskerrak kiribildu...
Azkorraldian arnas-pilpira,
barne-zillera opildu...
ORRA bakoitzok,
mundu laburra:
Gaur algara.
Biar negarra...
Eguzki antzo laiņo moltsoan,
sartu-irtenaz bein-beingoan.
Au duin aldakor,
au bezin zoro,
argiaz naasi
illuna gero...
Eta poz-erraiņu giro amestia,
aldaaroak mokoan nora-ara.
Argiak illargi laurdenki gisa,
illuntze ganduak, janaz darama...
AMA-LURRA
Onats;
AMA-LUR onbera,
mendeen jarraian samiņez
urratua.
Indarraren makillaz
alki biren legepera
uztartua...
Zapalketa antsi
gaiztoaz,
eta gorroto gesal
mixtoaz;
lertu zaizkio errai barneko
zain maratillak.
Bertandik,
negar-ixuri popillak,
bular-tarte zabalean
iturri-biziak sortuaz.
Ezten arrotzak
saiets banatandik,
oin-semeon aiztomakil erausiak
osterondik;
lurrondo xaroari lau aizeetatik
erasoa...
Eta garraztasun ozpiņa,
negar-iturri txorrio
tanto-tantoka loditzen,
errekatxo beera amiltzen;
ibai-osintzarrok gaņeztu dute,
orpo-txorkatillen
ezegarri zueneko
itxasoa.
Emen ere;
bakerik eza,
bat-bateko bultza;
ibai-adar-gora murgil eziņakiko
borrokatze
gaiztoa.
Oraingoz gora-legeak arresi,
ta zentzu gabeko ibil-ibilkan
bearko dira etsi;
muin-muiņeko negar putzuaren
okara-palastaz,
arnas-gora jiratu eziņean
dagoeneraiņo,
AMA-LUR
gaxoa...
