|
Gabon eguna
Luis Arostegi
Zugatz orri bakoan
txori bat jarri da,
eta badoa.
Adar-puntaren dardarak
bakeago bakea.
Urriņagoko piņudiak
laiņo artetik
ozta sortzen dira.
Arratsalde-bake onetan
zain dago dana.
Eskape gaiņean
euri tanta banakak
bakarrago ixilla.
Oi Gabon-arratsalde,
une geldi-geldia,
ainbeste bider izan zaitut
eta orain be,
garbi ta nare,
ia lenengoz zara.
Arbola billusietan
argiak biztu dira eta kantuak.
Ez dira ikusten, ez entzuten.
Bakean estaldurik dana,
ler egingo dauan itxaropen
barne-bildua.
(1982.XII.24)
|
