Igokundea

Leon Felipe

euskaratzailea: Muniategi'tar Sabin

                         Y dexas Pastor Santo, tu grey en este valle hondo,

 oscuro...

 (Fray Luis de León)

 Onaxe etorri

 ta, aldegin zuan.

 Etorri..., eginbearrak izentatu zizkigun

 ta, aldegin zuan.

 Bearbada odei aren atzeko aldean

 gu bezela berdin,

 norbait ari da lanean

 ta, bearbada izarrak

 Iainkoak lana banatu bear duan lantegiko

 leio biztu batzuk

 besterik izango.

 Onaxe etorri

 ta, aldegin zuan.

 Etorri..., ta gure ondasun diru-kutxa

 aneika ta aneika gizaldiakin betetuz,

 lan-tresna batzuk utzi zizkigun...

 ta, aldegin zuan.

 Berak, dana dakinak,

 ba'daki guri bakarrik utzi ezkero,

 begiratzen ez diguten iainkotxorik gabe,

 obeto lan egiten degula.

 Zure atzean iñor eztago. Iñortzo ez.

 Ez irakasle, ez ugazaba, ez nagusirik.

 Baña Aldia zurea da.

 Aldia ta Iainkoak Izadiari

 aziera eman zion zizela.