Ardura

A. Zubikarai

 Itzal nago itxasoari begira,

 bits zuriak illunduta ager dira.

 Maitearen albiste nai neuke artu

 ta kaiuak egaz datoz ulu ta ulu.

         Aizea zakar dabil

         ta olatuak andi,

         maitea nun dabillen

         nire biotzak daki,

         biotzak ba daki ta

         begiak ere senti,

         malkoen malkoz dodaz

         odola bezin gorri.

 Itzal nago itxasoari begira,

 bits zuriak illunduta ager dira.

 Maitearen albiste nai neuke artu

 ta kaiuak egaz datoz ulu ta ulu.