Euskal baserria

Uxola

 Euskal baserriak oraindik dirau

 mendiari kendutako arriaz,

 orma sendoaz, arridun zuriaz

 zintzoki lotuaz antziña ta gaur.

 Tellatu gorria duzu estalki,

 gorri-nabar arbasoen odolez

 aiek eman ta zuk orain iraunez

 orlegi dagoan lurraren aurrez.

 Besterik nai nuke zure barruan

 irautea: euskal ixpiritua

 bizi-bizi zure biztanleetan

 len bezela maitea izan dedin

 iltzen ari dan euskera gaxoa

 loturik lur etxe-odolarekin.