Emantza
Muniategi'tar Sabin
Azkatasunaren aldezko gogoz
eman bideari zeure argia,
benetako poztasun, bizi-ardoz
eman zeure barruko abestia.
Abestu bedi egiak, biziak
ederkuntzazko gogoaren agoz,
abesti alai ta arnasgarriak
bizitzaren bizitzazko goi-asmoz.
Iaso bai apalik zeure abotsa
maitetasunezko esku zabalez;
iaso bulartsu zeure nai beratza
itxaropen sendo baten egalez.
Ez dedilla izan aspergarria,
gogorra, minduratia, itzala;
ez dedilla izan illungarria
zure abestiaren sen, magala.
Baizik ernaia, aberasgarria,
argizko emai, ur garden gozoa,
eguzki erraiņu berogarria
bizitzaren bizitzazko zantzoa.
Izan bedi udaberria loran,
euri mamizko ezotasunean;
erleak, txoriak, ingumak egan
zeure ahotseren gcitasunean.
Beartsuen, menperatuen lagun,
abots ezti, aldiz erabat gogor;
izan benetako esku, maitasun,
beti erori alde, itxarokor.
