Jaiotza

Urkiza

 Emen

 ene

 gogo bero

 gose-lelo

 Zure amaren miñak

 bizi emoilleak,

 nun olako

 muiñ-barnerik,

 eki mingarri bigunik?

 Ama, eguzki koxkor sortzaille,

 ba nator zure aurmiñaren eske,

 zure aurtxo pozkillaren bizi-billa.

 Porgarria da zure negar gorria!

 Ez dot idoro zorotasun goxoagorik,

 goiz-aldeko argi ta atsegin garbiagorik,

 ama baten ume-miñ-gose lakorik,

 aita baten poz-kilikorra lakorik.

 Jaurti gora txiliñen txalo argiak,

 egaldatu kanpantorreko txoriak!

 Esan euzkiari gelditzeko,

 ta itargiari ixiltzeko!

 Au argiaren eguna,

 umearen igandea!

 Neskatxaren poza,

 biotz potxoloa!

 Jo txistuak,

 mutikoak!

 Au da

 jaia!