Kanario bati begira dagoen mutiko bat ikustean
Mikel Zarate
Muxu urdin bat eman dio laztanki xirimiri epelak
kale kolorgaren balkoi beltzean
zintzilik dagoen klabelina pinpirinari...,
ta usai zurizko irriņo eztiz igortzi du klabelinak
kaiola pitxi batean kulunka ari den kanario otzana...
ta kanarioaren bozkario horiak amets orlegiz bete
liluraz so egiten dion aingeruaren barne xaloa...,
ta arrats behera honen samurrean
udaberri itxaroz berpiztu zait
gerratearen burrunbada gorrian hildako haurtzaroa.
