inprimatu
Gaztaņaga'tar Jesus'i
Izenburua:
Gaztaņaga'tar Jesus'i
Sinadura:
Joxe Aierbe
Urkizaren iruzkina:
Egilea(k):
Aierbe, Joxe

Argitalpena:
Olerti.
Urtea:
1980
Argitalpenaren urtea:
Alea:
1980
Orrialdea:
105-107

Gaztaņaga'tar Jesus'i

 

Joxe Aierbe

 

 Asmo sendo bat artuberri det

 bertso batzuek jartzeko,

 lenago ere izan oi ditut

 eta ez arritzeko.

 Jaun argi baten iritziekin

 ados nagola aitortzeko,

 eta modurik apalenean

 al dedana goraltzeko.

 

 Gaztaņaga'tar Jesus da

 bertsoz goraldu nai nukeana,

 merezi duan tokian jartzen

 izango det naiko lana,

 Jakiņik danok bezela danen

 gogozkoa etzerana,

 neretzako txit txalogarria

 egiten ari zerana.

 

 Zorionean, zure bidetik

 joan nai lukenik ba-dago,

 batzuek uste ta nai luketen

 baiņo ondotxoz geiago;

 jarraitzailleak ugarituko

 zaizkitzulakoan nago,

 euskera-euskera nai duanantzat

 bidea ortxe baitago.

 

 Izan dituzu makiņatxobat

 eztabaida edo auzi,

 ala ta guztiz etzaitut iņoiz

 era txarrean ikusi.

 Zitalkerian geientsuenak

 irten zaizkitzu nagusi,

 arrazoietan ordea iņork

 oraindik etzaitu autsi.

 

 Batibat azken amar urtetan

 erasorik izan dezu,

 eldu diranei beti gizonki

 aurpegi eman diezu.

 Ain maite dezun euskera gaixo,

 eta sendatu nai dezu,

 bera salbatu nai izatea

 beste errurik ez dezu.

 

 Jakindurian osatua ta,

 lanean naiko kemena.

 gaur egun gure izkuntzarentzat

 serbitzaririk onena.

 Etzauden toki batean legez

 egon bear zendukena,

 zenbait dagoan tokian naiz ta

 ez izan zure laurdena.

 

 Gaurko Ģtekniko modernoģ oiek

 ez ote dira oartzen,

 teoria ta praktika

 beti bat ez dirala etortzen?

 Erdi illik dagon izkuntza

 oni mentu arrotzak txertatzen,

 ederki kosta bear zaiote

 itsatsi eta indartzen.

 

 Diotenez gaur euskerarentzat

 ez dago beste biderik,

 euskaldun danak ez dauka ori

 onartu gabe uzterik;

 arrazoi motza dala uste det,

 eta ez dute besterik,

 nik galdetzen det: euskera izkuntzak

 ez al du beste jaberik?

 

 Eurak egosi eta prejitu,

 eurak bakarrik dana jan,

 eurak agindu euskaldunekin,

 eta gure ikastolan.

 Jakin nai nuke aginte ori

 noiz eta nork emana dan,

 edo bestela beuren kontura

 beurak artutakoa dan.

 

 Ixildu nadin berotu gabe,

 eta noan bukatzera,

 eta noan bukatzera,

 bide ortatik jarraitu, Jesus,

 etzazu egin atzera.

 Gure egarria asetzen duan

 gogozko ura zu zera,

 zure iturritik edaten ba'da

 ez da galduko euskera.

 

 


inprimatu