Gurutzea utsik

Arrinda'tar A.

 Egurra utsik,

 gurutz soilla,

 ez dut gorputzik

 bertan billa...

         * * *

 Kendu bertatik

 gorputz illa.

 Berria bear dik,

 ase dedilla

 gurutza bait da

 pekatu-neurria...

 Burua zistril,

 biotz-naaspilla,

 gizartea dabil

 zikin-zikiña...

 Buruaren suertea

 bear du gurea

 izan.

 Oiñak ez du buruak baiño

 suerte oberik

 bear.

 Gizonaren Semea

 anai gurea

 bait da.

 Aurretik bera,

 beti bezala,

 joana.

 Gure bideak

 odol-marketan

 eginda.

         * * *

 Okerra garbitzeko

 bear odola,

 erru gabeko bildotsen

 odol beroa,

 negar samiña,

 zotin eziña,

 arnas larria...

         * * *

 Gurutzera igo zera

 gure okerren neurrian.

 Bizia eman dezu

 dardar mingotz estuan...

 Guretzat neurri, guretzat era

 gure buru bait zera.

 Jetxi digute gurutzetik

                         burua...

 Igo beste bat, igo bertara,

 Pasio luzea

 amaitzen ez da

 gorputz-atalak

 munduan dabiltzala...

 Gurutze bat,

 gurutze bi

 danentzat egiña

 dirudi,

 Pasio baten

 luzagarri.

 Igo bertara,

 igo, bildurti,

 oinperatu ikara...

 Beti da latza

 gurutza;

 laztasunak,

 orratio,

 leundu dizkio

 Bildotsak.

 Bere odolez

 leundu ere

 gurutz-ertza

 zorrotzak.