Zoriona

Anjel Bidaguren

 Zoriona,

 nondikoa ik sortazi?

 Barne muñean ernea,

 poza, bildur, arrazi.

 Bete egiña enea.

 Zoriona,

 Begiz ikusten ez arren

 ain aunat eder, gelgarri.

 Noizbait ire igesaren

 bildur jonat, bildur larri.

 Zoriona,

 En'eskuz nai aunat laztan,

 azal guri poxpoliña?

 Soin bako, beti laban,

 alper jonat alegiña.

 Zoriona,

 ezpain bako, nun emon mun.

 Pozkari-gai, ez ugatzik,

 ez eta eme girodun

 maite-gosen sabel ertzik.

 Zoriona,

 poz ta bildur, barnean ler,

 irea soin ta adimena.

 Zoriona, andre eder,

 emeetan aderrena.