|
Tamalgarria
Aurre Apraiz
Giza-uoldea dator
baso-bideak behera,
saguak lakiora lez,
kale-bizitzaz lillura.
Ibillerea astun eta
begiak urduri doaz,
zaarrak gogo motelakaz,
gazteak ames beroaz.
Atxurra itxikeran izen
ta askatasuna be galdu:
Basa-txoria kaiolan
Goibeitasunak ilten du.
Bai. Basoan otak dira!
Baiņa, ez dakizu otak
baiņo eun bidar latzago
dirana izerdi-lapurrak!
Zuen izate ta amesak
olaen otsak itoko.
Maitasun bako gizarteen
barru-bakea galduko.
Gaixoak! barrikeria
gaikoiak, apurka-apurka,
erruki barik zakatzak
aterako, ba, igartzeka.
...Eta, basoak illetaz
jazten diran bitartean,
berein baserritar doaz
guzur-amesen bidean.
|
