|
Ta, or...
Muniategi'tar Sabin
Ta, or...
geroari buruz,
odei ta laņo tarteko
illunperik illunpe,
neure billa nabil
egun bakoitzeko
eguzki ta aizez;
neure billa
bai, or...
orain ta lenaren,
geroko geroaren gerotan,
nun ta, zer ta, nola
gero nola, zer
izango ote naizen!
...Ta, egun bidezko
ioatearen ioatez...
gaur ni,
ni bezela
urduri,
zuek ibilliko zerate bai,
zuek ibilliko zerate
gero,
zuen billa,
zuek ibilliko zerate,
nire lorratz ondoren
orain ta lengo,
gaur ta betiko
itaunkera berdiņez...
ia, an...
geroaren geroko gerotan
nun ta zer ta nola
zuek ere,
izango ote zeraten!
|
