Erdi-bideetatik

Ana Mari Berriozabalgoitia

 Zer egin?

 —Ez dakit.

 Triste...

 Baiña, zergaitik?

 Zer egin dot, ba?...

 Ez dautsat iñori gaitzik egin...,

 orduan?...

 Triste...

 Nire barruan

 naska nabaitzen dot;

 zergaitik?

 Urduri, kezkatsu,

 erdi negarrez,

 bakarrik.

 Triste...

 Nor jo dot?

 Nori lapurtu dautsat?

 Alan-olan,

 eguna bete dot lanean.

 A!, bai!,

 kargutu naiz,

 «alan-olan»... dana bearrean.

 Triste...

 Ez dautsat kalterik iñori egin,

 baiña alan-olan;

 ez baietzik,

 ez ezetzik.

 Otza?

 Beroa?

 Ez... epela.

 Triste...

 Parkatu!