Kezka bat

B. Gandiaga

 Kezka bat daukat

 etorkizunarena

 Euskalerriaz

 zer gertako ote den.

 Opa bai diot

 euskalerri bezela

 iraun dezala

 gerokoan ere.

 Min ematen dit

 noizbaiten bear balu

 bere izateak

 bein betiko galdu.

 Euskalerria

 zutikan jarri nai dut,

 kezka dutana

 ez dedin gertatu.

 Nekeak neke

 iñoiz ez beza etsi

 erri maiteak

 bereari eusten,

 baizikan jardun

 dagokion bidetik

 geroa ere

 al dedin euskaldun.