Lore berriak
Piku
(EUSKERAZALEAK taldeari)
Lore berriak,
usai beteak.
Lore gazteak,
Euzko loreak.
Ixilik zeuden Aitor zaarrak
erne zituten pipil xamurrak;
sorgor luzean, guda gaberik
lo-ta-zapaldu euzko gogoak.
Espetxe illunak bildurturikan,
arantzez bete, lore ezeak;
odolez jantziz askatasunak
piztu zituten lore urdiņak.
Baiņan ez dira mendian jaio
oraingo lore ta gogo miņak;
guda zaarren ondarrak dira,
lora gorriak, burni semeak.
Lore berriak,
usai beteak.
Lore gazteak,
Euzko loreak.
Itxartu aberri, jaso begiak,
malkoak kendu... ordun bezela...
Euzko usaia kaletik dator
basati, sakon, berriz jantzia.
Bide guztiak alaitu ditu,
argiz intzatu biotz itunak;
itxas ertzeko apar antzeran
muņez erotu itxaropenak.
Nere biotzan aragi ustelak
gaba luzean izarrez bete,
argitu dezan berpizkundea
euzko gogoan, aberri lore.
Lore berriak,
usai beteak.
Lore gazteak,
Euzko loreak.
