Nere aitari zorionak
Aldana
Danok dakigu zer dan mundua
oņaze ta atsegiņa,
billosik jayo, billosik bizi
ta eriotza bardiņa,
lanaren trukez geure ogia
irabazten alegiņa,
alegin ortan sarri askotan
alkar ikusi eziņa.
Gorroto onek bere sustraiak
sendian ditu nik uste,
guraso onak dauzan etxean
ezta asarrerik ez naste.
Anai artean ikusi eziņa,
dirua dala bitarte
amaika aldiz ikus dot,
baņa ortik bizi naz aparte.
Emen daukagu gure aurrean
gure aitatxu laztana
bere bizitzan beti izan dau
sobra ta gaņezka lana.
Amaika izerdi, amaika neke
iruntsi izan dozuna,
lagun zintzotzat ama zeunkala
zeru goietan dagona.
Nere burura iduritxu bat
yatorkit une onetan:
lorategiak zelan direan
ederrak toki danetan.
Anai arteko bakea ikusiz
euren artu-emonetan
gurasoai eskerrak diņot
maite dirala benetan.
Irurogeita amaseigarren
urtea dozu betetzen,
zeure biziko poz aundienak
orain zagoz zu gozatzen,
zeure bizitza oso-osoan
maitetasuna zabaltzen,
orrexegaitik zorion au gaur
Jainkoak dautsu eskeintzen.
Ze zoragarri, ze maitagarri
sendia olan ikusirik,
bere aitaren ingurutxuan
bete-betean baturik.
Nere ustean amaika aldiz
batuko al gara olanik
gure aitaren gorputzak bai dau
ondiņo osasun beterik.
Eztaukat, aita, nik gaur berbarik
nere poza erakusteko,
nere barruan dagozan gauzak
argi-argi azaltzeko.
Milla esker, aita, dodaz zuretzat
txikiena nazelako,
arnasa apur bat daidan artean
etzaitut iņoiz aztuko.
Gaurko egunez nere zorion
onen-onena zuretzat,
olako eguna bai yakulako
guztiz pozgarri guretzat.
Eta orain nik eskaritxu bat,
baņa eztala niretzat:
biotz-biotzez eske dautsuet
txalo bero bat beretzat.
Bilbo'n 1967-2-26.