Bost poema
Nicolas de Hierro
euskaratzailea: Muniategi'tar Sabin
Miņez
Miņez, esku-loturik ta baita etenda,
askotan igarotzen du batek bizia.
Oņazeak koskatzen gaitun unea da,
nazlikak min damaigunean, ta odeiak
aztun diranean; ta... Ba'dakizute.
Zein da ituna zer dan ez dakina?
Ogia
Ogia esanaz batera, beriala aoan,
oņaze zar bat nabaitu nuan. Esan nuan
maitasun, ta eztakit zenbat aldi iraun zuan
itz orrek zearka nere buruan;
gero esan nuan minkaztasun ta, begietara
saguzar talde odeitza bat ietxi zitzaidan...
Eztakit zer aldi izan zan. Bakarrik det gogoan
beatz-koskoak odoletan neukazala.
Ixil unea
Gaur oso nekaturik arkitzen naiz;
gaur ene itzak ez du luzapiderik.
Baņo nai ba'dezu etorri zaitez,
emen dezu toki bat,
batzutan neure egia arkitzen detan
mai onen aldamenean.
Orain ez egidazu galdetu
itxaropen apur bat
nola ain garesti atera litekean.
Izpide unea
Eztakit zergatik aitatzen zaitudan ixillean,
eztakit ez zergatik zaitudan izentatzen
ainbeste ixiltasun ixillean; eztakit zergatik
nere ezpanok ogia esaten dutenean,
itzean arkitzen zeran, ta samiņezko eztenkadak
ots dagitenean neure sentzunean,
neurean zauden, neure odolean bezelaxe;
eztakit zergatik olako gau batean,
gaurkoan bezela, gizadiaren biurkeria
eztarriraņo igotzen zaidanean
eztakit nola zauden; eztakit...
Bai ba'dakit zergatik
bizitzara ateratzen naizenean ta, ikusi,
gizona berak egin dun bezelaxe, billutsik,
antxe zaude, gauza guztietan min arturik,
Gizon, sentzundun ta, izan ziņan bezelaxe, Kristo.
Otoitz unea
Berunezko ainbeste odei,
illunak estalduriko ainbeste zeru,
eroriz ari dan ainbeste euri...
Iauna! zenbatzu ituntasun barnetzen diran
arratsalde ontan ene ariman.
Batzuetan otoitzerako alkartzen diran
(ori oso gutxitan)
esku auek besterik ez ditut
ta, uts-utsik dauzkat.
Zergatik ez dezu ematen muxutzeko
ao garbiago bat; maitasunerako
biotz aundiago bat; ta laguntzarako
maitasun-txindi batzuk?... Ain billuts
ta, Eguzki bearrez arkitzen da Lurra.
