Urte aroak bere izarratz
ta laguntzalleak
Jean Arp
euskaratzailea: Muniategi'tar Sabin
Zu ondo urdiņa zera bai ene udaberri
zu etzera ez gaizki atera
udatearentzat askozaz okerrago berak
ateratzen ezpaditu kontuak
ots dagie ille-orde muskerrak
ze ordu da
udara da laurden gutxiago
izarrak bere gorantzaren aria azkatzen ari dira
billustuz beren larrosa lizunak
egunen orratzak uztailla erakusten dute
ara emen berriz negua naiko berandu nun datorren
elurra bezin zurbil dan gizon bat bizkarrean arturik
neguaren egunoroko udate ondorenetan erori dana
anitz udatek itzultzen dute lauki biribil berdiņa
astelen oro negua da
neguak erdibitzen ditu txuria beltzagandik
ta zati banandu bakoitza kutxilla zorrotz baten
azpian uzten ditu era berean
nagusiak bere mustar lurrintsuetan lo dagon bitartean
beltz akeitetxean sortzen dan izkillotsak ez du esnatzen
ezta bekoki illunezko iratxoen gaņera
aurten goiz erori dan elurrak ere
bularretako mallak lertzen diranean
ta egun izentatuak bere txorrotak irikiz
giza-orrien olatuei bere iauziak egiten usteko
gu txiki-txiki biurtzen gera
ta iņurrien illeta taldeai iarraitzen diegu
irazeki bat eskuetan degula
aterki ostendupeetan
iateko ostenduak udazkenaren antz urria dauka.
