Nere maiteari

X.

 Jainkoak egin ba'nindun

       zeruetako giltzari,

 azken orduan jakingo nuke

       nori atea iriki:

       lenengo amari,

       ta gero aitari,

       ta anai-arrebari,

 ta azken orduan, ixil-ixilik,

       nere maite politari.

 Eliz-ondoan bizi naiz,

       aterpe det etxe zuri;

 iruditzen zait Jainkoak naula

 zeruan bertan ipiñi.

       Ezpaiñak irri,

       zorion eguzki,

       biotz dizdizari,

 ekaitz artean, eder-ederrik,

       maitea zait poz-iturri.

 Aitortu daidan zintzoki

       laster jun zaizkit urteak

 etxe zurian goxo-goxoan,

       elkarrekin, oi!, emanak,

       samiñik bageak,

       urterik onenak,

       atsegin beteak;

 gero zerua al digu emango

       bioi Jaungoiko maiteak.