Argazki aurrean

J. Azurmendi

K-ri, beti begira

                             Oroimen bat nahi nioke

                             zure izenari ebagi.

                           Zure ezpaineri nahi nieke

                               musu bat ebagi.

                             Zure begieri begiak,

                           zure tristura begiratuari.

                       Dorre zaharrak zazpirak ematean

                       azkeneko silaba ebagi nai nioke

                     bertsoari. Itsasoari azkeneko aparra.

                           Ilargiari azkeneko argia

                               niretzat bakarrik.

                       Ebagi nahi nieke zure ezpaineri

                         inoiz esan ez didaten hitzori.

K-ri

                               Ba dut antsia bat

                             nire maitean zoroan

                                 biok bakarrik

                             eguerdi baten eguzkian

                         suan amodioan bakarrik gaudela

                               hurrutitik harrika

                               ta zu algaratan

                                   txikitzeko

                                 zure kristalak

                         maitasun bat antsia, ah!...