Per sora nostra morte corporale...

J. Azurmendi

 Aingeru ixilak ostoetan.

 Kondaira bat ostoetan,

 legenda bat.

 Santa Klara-k

 negar birjina ttikia

 egiten zuen

 josten dagon zapira.

 Hiltzen dago lurrean

 pobrea.

 Belarra, arkaitza, ura, eguzkia

 anaia zituen pobre ona.

 Maite zuena lurrean dago,

 beti ona izan dan

 animali santu bat bezala mantso hiltzen.

 Arbolartean dago

 argi pobrea, bilois,

 hiltzen eta geldiro hiltzen.