Bizitza behera

J. Azurmendi

 Uberkak darama

 bide jakin bat

 uberka behera,

 arriak behera,

 zelaiak behera.

 Zumarraren itzala behera

 bide jakin bat eta

 beharrezkoa.

 Jainkoaren beatzetatik

 askatzen doan

 fatuaren ari.

 Bideren batetik behera.

 Ezin konpreniturik

 begiratzen genuen

 umeak ispiluan bezela.

 Doa gure bizitza norabait

 ain xinple ta errez

 labaintzen xehe

 urteak behera...

 Axolagabeki

 bihotzak behera.

 Udazken udaberri behera

 otsik egin gabe

 edurra kristal ostean bezala.

 Bide jakin bati

 segitzen noiznai norabait

 denpora behera.